西班牙之夜🇪🇸

Bookmark咗一段時間嘅西班牙餐廳，我哋終於趁放假嘅時候去食😋餐廳空間不算太大，最吸精應該係個開放式廚房，坐吧枱嘅話就可以欣賞廚師們嘅廚藝。餐廳裡面嘅2人枱就真係細咗啲，放兩碟食物後已經冇位再放第3碟喇。Tapas款色都幾多，碟碟都咁吸引😋話明係tapas & wine bar, 酒精類飲品當日唔少得啦！ ▫️Spanish tortilla (HKD85) - 西班牙薯仔蛋餅，店員話4款入面最受食客歡迎。切開蛋餅後中間嘅薯仔餡會慢慢流出，蛋香十足。 ▫️Seared Mediterranean bluefin tuna, avocado, pistachio, rice crackers (HKD147) - 有牛油果有開心果味，冇諗過呢兩隻味道係會咁夾😬😬店員話一定要將吞拿魚放上米餅食先至好食喎。 ▫️Spanish pork secreto (HKD195) - 從西班牙黑毛豬肩頸附近位置切出嚟嘅豬肉。一片片薄豬肉浸喺秘製醬汁，味道唔錯。 ▫️Black seafood paella (HKD245) - 賣相唔多吸引 - 成鍋飯都係黑色因為用咗墨汁嘅關係😆味道反而係我哋食呢幾個菜式之中最深刻嘅。 ▫️Traditional churros (HKD83) - 配Churros 嘅唔係普通朱古力醬，而係Chocolate brandy sauce! 新鮮炸起嘅churros配呢個朱古力醬食又幾特別，真係有陣濃濃嘅酒味㗎。 下次再去一定要叫多幾個人一齊去，咁先可以食多哋菜式😆 📍 BÀRBAR 灣仔船街9號地舖 #UCreator#港島美食#西餐#西班牙菜#灣仔美食#灣仔